منتدى طاطا
السلام عليكم أيها الزائر أيتها الزائرة نتشرف بدعوتكم للإنضمام إلينا والتسجيل في هدا المنتدى الجميل وشكرا منتدى طاطا يرحب بكم

Sidi hemmu talbe

استعرض الموضوع السابق استعرض الموضوع التالي اذهب الى الأسفل

Sidi hemmu talbe

مُساهمة من طرف TATAWII في الثلاثاء نوفمبر 26 2013, 14:45

Irhêmk a Sidi Hêmmu, ttâlb, inna igllin  

Illa uzmz gh yakka yan , illa uzmz an gh iqqay

Illa uzmz gh yuf umddakul f Rebbi, gmatun

Lmut chkergh i Rebbi a teni igan d lmelk

Ur ta tgit benadm as llan ijmilen d w awal

Iga sêber win Rebbi, Rebbi win willi sêbernin  

Igh isber yan, iqqand man ajmil as d iffal

Iga sber ghemklli lhêrir, ur sar ibri yan

igh isbr yan igar bnadm dnob ad rorar  

igh isbr yan igar bnadm ajmil asdifal

igh igen ur3em at itt3bar yan i walgamu’ nes  

imma igh ibidd ar ismlilliy wis sa ygenwane  

ttadengh tassanu tujrah adbib an d iwigh

inna smammi f’rebbi nekkin ur dari dwa nun

ura ikhllu yan aytmas ibnu tiqbilin

ura ikhllu yan aytmas imhubbu d wiyyad

a zud yan iddan ar asif an gis imdi lluh

a yga yan ifln gmas imhubbu d wiyyad.  



inna f litihal:

Ennan lttihal adswa d uglifen n tamment.
Yella kra yella gisent, yella kra yezuzwa nit.


azerg:

Inna uzerg n w aman n tegmmi:"gun ukan!"

Ghay ad tezzât gh usggwas, nezêdâ ten gh w ayyur

Ghay ad tezzât gh w ayyur, nezêdâ ten gh ya w ass!"  

Iwajb as win ufus, netta s kigan d w awal :

"lberkt a nezzâd urd taqqurt a zamharir,

Amr k id issuggan ger takuzine d igh izri was

A tezêrt ssenbel, tujjut d àud leqmari gh darnegh

Iblis, netta, a k issêrsân ibnu k in gh w asif

Ig ak tarazal nnig ikhef nek, a tehnnat

Zund amadûn ur illi ma rad ik darun,

Amr arhêwi, tirmet nes a t isdullan

Ikchem ak selghagh imezgan nes, idûrdêr nit

Yut nit llun w aman isêf zund awulk".


divers:


Lbur d lqbur ad swa d urwas igh gisen yan
imma inna gh a k ur zziwizen u aman hâcha a ig lemkan


A mu uhmegh d walli yumern i lbnya gh u asif
idûf nit lbujjat u aman sul imdi llûh


Kul mma ibna yan bla ssâhêt ar as d ittâr
kul mma icha yan igh ur inwi da teberrin



kul mma innan "a Rebbi" ssâhêt af ibna awal
yuf yan innan "i Rebbi" yan sis itgallan".

IrHemk a sidi Hemmu TTaleb inna igellin  

bismi llah as-a yadda Ttaleb asin-d lqelm  

ar ilemma addern igerramen d willi âdelnin  

gan-d igadren ayetmaten gh wiss sa igenwan  

lekemn-d ukan akal beDun aHHram ayga TTemâ  

yan f iqedder mulana mawriri Sbern as  

laylaha illa llah lequdra zund arraw  

ibakD it negh ikucem tasa ur aten zzeraynet  

aH int ayemmi gigh inighi nger taccebarin  

ur girgh ghid ula ghid rreSaS igdi nit  

makk righ a gar isetta mad righ tigri nnun  

utin gikk ifalan bbinin willi zdinin  

bismi llah a Resul llah is righ ad sawelgh  

awal gh ur illi ddenb ula ra-kk gis irgem ccreA  

manza za walli innan aDen at akk dawagh  

zayd ukan imma isemummuyen ur akk dawan  

igh-k ur idawa Rebbi Ttaleb ur akk dawan  

nekki tawla a ggigi illan ar gigi tteberrun  

awer ittini yan ugergh medden ula ugern-agh  

ig argaz igan lemeskin awer issugt awal  

adrar ur ikhaleD yan igh°eli a ggis g°emmern  

ikhef inu mad ak innan ur gis izem akk ich

a ckergh i sidi Rebbi tazzewit attega Titt  

ur-a TTar amer f ujeddig negh yan irDa wul  

a lbari teAala qeddemgh-nn srek udem llal  

lalla faTima d reqqeyya d zaybana d keltum

alili d ughanim
ufigh-d alili d ughanim imcarra gh wasif:
iwajb as nttan ughanim inna yas: "nkkin a izziyyn
kul man ddalil illan ad-t yuran d nkkin"
iwajb as ulili inna yas: "nkkin a izziyyn
nga ttsbiHat usin iyyi làulum gh ufus"
iwajb as aghanim inna yas: "nkkin a izziyyn
gigh taàuwwadin usin iyyi iHaHan gh ufus"
iwajb as ulili inna yas: "nkkin a izziyyn
lligh gh lbaruD ar nttakwi nger taccbarin"
iwajb as aghanim inna yas-d: "nkkin a izziyyn
ur agh t-id tnnit a yalili ddnub ad tgwmert
da ukan ttawit rruH i kra feln-d arraw
ukan gin igigil i wad a tn igan gh ufus"

faDma
a faDma man agurram iZur babam d innam
aylligh kem-d urun ar isufu igenna d wakal
a faDma tawada n utbir igh-d iqqerb asif
ar ismussu tiqqar ar itgellab gh rric
a faDma tazughi n tamment illan gh temkilt
igan tin lebdià, imgharn kad tnt isemkiln
a faDma agellid urta tenSern ukan
imma tiqqbilin agussn ukan awal nes
a faDma iddwa nnunt af ZZan ait unayn
lluz d lgergaà ma s tfDarm a tanirt
a faDma iddwa nnunt af ikkat usiyyagh urgh
ig as tibuDin a ur icetta tamggerdt nem
a faDma mad am nskar imi inu imyar kem
igh a km ur addergh ar yalla ul ula tasa nu!

iggut wawal
iggut wawal iga lbHur ur-t-id igli ccuf
nHemd i Rebbi lli d igan lmut d lmelk
mrad is-tt-id iga d bnadem
ikutin llan ijmiln gh wawal
a igan lHerr iHerran d lmut
kull mad tiwi ur-t-id rurnt
war timuzunin mqqar iSfa zund ayyur
war yat ur igi yat mqqar nit iddr immut
a tirryalin a tilli isfulkin udm n yan
njerrb akkw iZuran n tasa agh-d llan d ufus


lkibr
a yaHbib inu ma s iyyi tuft lkibr ixwcn
ini tgit Sabun ng aHayk nmun gh llun
ini tgit alili ng tikiwt nmun gh lHerr
ini tgit aJarif ng udad nili-d fellak
ini tgit asif ittawin kigan d aman
nkkin a igan asulil irad t nHSar ar-d iqqar
avatar
TATAWII
المدير
المدير

الخنزير
عدد المساهمات : 407
نقاط : 88147
تاريخ التسجيل : 26/01/2011
العمر : 34
الموقع : http://montada-tata.tourism-board.com

http://montada-tata.tourism-board.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى