منتدى طاطا
السلام عليكم أيها الزائر أيتها الزائرة نتشرف بدعوتكم للإنضمام إلينا والتسجيل في هدا المنتدى الجميل وشكرا منتدى طاطا يرحب بكم

is flla ittyara ?

استعرض الموضوع السابق استعرض الموضوع التالي اذهب الى الأسفل

is flla ittyara ?

مُساهمة من طرف aicha في الإثنين أغسطس 01 2011, 10:26


ittyara flla ad allagh ar d nttagwm aman
gh idmarn d ul inu d tasa ngin f udm nnagh
ssugwtagh amtta tasutin ayad mutrgh
taghbalut inu tqqur jdrn igran ngh
mqqar allagh a titt aman aggugn inn ul
ur sar ngin ad d slin tussagh d udm nnagh

ittyara flla yiwiz igh gnen mddn nkergh
igh d nkrn ngn mach anuddm ur ar t zerragh
ar ka ttgriwilagh izugw iyi ugayyu
igli s unlli ingi istara igllin
idhgam d wassa d imal inna yi gn nkergh
azzelgh s tifertt aragh asnti d tgirit
ar tnt nttay ntmmu d ussan ar jllun
ar tn ntsettaf wwann izrin izri yagh
ar d iffal i wul inu ighzran dran inn

ighza ungi gh ul inu izmuln d tzermin
n ingazn tigudhiwin tayri zzeld n ufus
ar ssmndugh ussan inu awdgh i gar
ar snfurrigh a yul inu assyafa ngaran
iyi idmarn d izoran yuf yan ad gn yan
a yg ddu tayett tawellit ns yadr i titt
imma anlli d iswengimn inhabbar d ussrn
mmrgan izrgan ns tukhsin irza tnt
hrjent iyi tswengimin ibidd wawal
gh ubrid ur iri ad d iffagh ur iri ann gawrn

ittyara flla wassagh bezziz a yi iga ssngh
ghran iyi sis mddn ur ar id gerran
ass nna ufigh ad t ssnflgh ur rad tn sgurugh

ittyara flla uglulu ils inu iga annur
takna afna n immkasan da yi izerran
s izri aknnad ur qqln amr ayi mdheln nkk
bdhun ayenna d flagh kksn iyi gh zzmam nkk
nkki d tbdrt n yan ra yi yaddr s usga yann

ittyara flla unzar ar asn ttzallagh
nzra amdlu gh ignna yunf iyi zrin agh
utn usmamn d iggig issu nn asga yann
dar walli s nnan jlan ur asn ttzallan
agh nn iffi sun akal ns winu iga kkuww

ttyarant flla tkwmam imi lli n wawal
nkkwni nzli t i ughrum igh icha ign nit
avatar
aicha
عضو مميز
عضو مميز

عدد المساهمات : 27
نقاط : 49561
تاريخ التسجيل : 18/03/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى